საქართველოში, სომხეთის რესპუბლიკის პრემიერ-მინისტრის სამუშაო ვიზიტის ფარგლებში, დღეს დაგეგმილია ირაკლი კობახიძისა და ნიკოლ ფაშინიანის პირისპირ შეხვედრა. მხარეები ქვეყნებს შორის ეკონომიკურ, რეგიონულ საკითხებს, ასევე საქართველო-სომხეთის შუა დერეფნის როლს განიხილავენ. პირისპირ შეხვედრის შემდეგ მედიასთან პრესკონფერენციაც გაიმართება.
დაგეგმილია საქართველო-სომხეთის მთავრობათაშორისი ეკონომიკური თანამშრომლობის კომისიის მე-15 სხდომის ჩატარება, რომლის ფარგლებშიც ხელი მოეწერება ქვეყნებს შორის ეკონომიკური თანამშრომლობის მთავრობათაშორისი კომისიის ოქმს. საქართველოს საგარეო საქმეთა მინისტრი კი სომეხ კოლეგას უმასპინძლებს.
კომენტარები