ევროკავშირის მე-20 სანქციების პაკეტი რუსეთის წინააღმდეგ და უკრაინისთვის განკუთვნილი 90 მილიარდი ევროს ღირებულების ფინანსური დახმარების პაკეტი ამ ეტაპზე „გაყინულია“. ინფორმაციას სოციალურ ქსელ X-ში რადიო „თავისუფლების“ ევროპის ბიუროს რედაქტორი რიკარდ იოზვიაკი ავრცელებს.
მისი ინფორმაციით, მიმდინარე კვირაში აღნიშნულ საკითხებზე პროგრესი მოსალოდნელი არ არის. იოზვიაკი არ გამორიცხავს, რომ გადაწყვეტილება შესაძლოა მხოლოდ 19 მარტს დაგეგმილ ევროკავშირის სამიტზე მიიღონ.
„ორივე საკითხი – ევროკავშირის მე-20 სანქციების პაკეტი რუსეთის წინააღმდეგ და უკრაინისთვის €90 მილიარდის სესხი ამ ეტაპზე „გაყინულია“. ამ კვირაში რაიმე წინსვლა მოსალოდნელი არ არის და არ გამიკვირდება, თუ საბოლოო გადაწყვეტილება მხოლოდ 19 მარტს დაგეგმილ ევროკავშირის სამიტზე იყოს მიღებული“, – წერს იოზვიაკი.
both the 🇪🇺 20th sanctions package on 🇷🇺 & the 90bn loan to 🇺🇦 are “parked” for now. No movement expected this week & I wouldn’t be surprised if it will be solved first at the EU summit on March 19
— Rikard Jozwiak (@RikardJozwiak) March 4, 2026