ხიდაშელი უკვე გაშიფრული და აღიარებული აგენტია, რომელიც უცხო ძალების ინტერესებს იცავს და საქართველოს ინტერესები საერთოდ არ აინტერესებს, პირიქით, მას რომ შესაძლებლობა მისცე, დღესვე საქართველოს ცეცხლს წაუკიდებს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა საქართველოს პირველ არხს განუცხადა.
მისი თქმით, ხიდაშელის სიტყვას არანაირი ფასი აქვს.
„სამწუხაროა, რომ ადამიანმა ისეთ დონეზე შეიძლება დაიყვანოს საკუთარი თავი, რომ აგენტობაშიც კარიკატული პერსონაჟი იყოს. ეს ადამიანები საქართველოს წინააღმდეგ ჰიბრიდული იმის ინსტრუმენტები არიან. რა თქმა უნდა, მათი მიზანი ქვეყნის განადგურებაა. მათ უნდათ, რომ საქართველო საკუთარ პატრონებს ხონჩით მიართვან, ქვეყანას კი, რა დაემართება, საერთოდ არ აინტერესებთ. სამწუხაროა, როცა საკუთარმა დამკვეთებმა აგენტებსა და უსამშობლოებს ყველაფერი აკადრებინონ“, – განაცხადა იონათამიშვილმა.
„ტვ პირველის“ ეთერში თინა ხიდაშელმა განაცხადა: „საქართველოში ფუნქციონირებს ე.წ. უნივერსიტეტი, ტერორისტების სკოლა, რომლის რექტორიც იყო ალი ხამეინის მემკვიდრედ გამოცხადებული ადამიანი“.