ახლო აღმოსავლეთში მიმდინარე ომის გამო მიწოდების შემცირების საფრთხის ფონზე, ევროკავშირმა რუსული ნავთობისა და გაზის იმპორტზე დაწესებული აკრძალვა დაუყოვნებლივ უნდა გააუქმოს, – განაცხადა უნგრეთის საგარეო საქმეთა მინისტრმა პიტერ სიიარტომ.
„ევროპა განსაკუთრებით მოწყვლადია, რადგან ევროკავშირმა უკვე აკრძალა რუსული ენერგორესურსების იმპორტი. ახლა კი ახლო აღმოსავლეთის კონფლიქტი ასევე ამცირებს მსოფლიო მიწოდებას. როდესაც მიწოდება მცირდება, ფასები იზრდება. შესაბამისად, ევროპა ფასების მკვეთრი ზრდის რისკის წინაშე დგას“, – დაწერა სიიარტომ.
მან დასძინა, რომ შეზღუდვების შენარჩუნება ევროპის მოქალაქეებსა და ევროპულ ეკონომიკას „სერიოზულ ზიანს“ მიაყენებს.
დღესვე ცნობილი გახდა, რომ ნავთობზე ფასმა აზიურ ბაზრებზე 100 დოლარს გადააჭარბა, ევროპაში კი გაზის ფასი კიდევ 30%-ით გაიზარდა.