ისრაელის პრემიერ-მინისტრის, ბენიამინ ნეთანიაჰუს განცხადებით, ირანში რეჟიმის ცვლილება ირანელი ხალხის ხელშია.
„ჩვენი მისწრაფებაა, ირანელი ხალხი ტირანიის უღელისგან გათავისუფლდეს. საბოლოო ჯამში, ეს მათზეა დამოკიდებული. თუმცა, ეჭვგარეშეა, რომ აქამდე განხორციელებული ქმედებებით ჩვენ მათ ძვლებს ვტეხთ“, – განაცხადა ისრაელის პრემიერ-მინისტრმა.
ბენიამინ ნეთანიაჰუს თქმით, ისრაელელი და ირანელი ხალხი ერთობლივად თუ მიაღწევენ წარმატებას, ეს შეიძლება, გახდეს ირანში გრძელვადიანი ცვლილების საფუძველი.
ისრაელის პრემიერ-მინისტრმა ასევე აღნიშნა, რომ ბოლო მოვლენების ფონზე მსოფლიოში ისრაელის პოზიცია მნიშვნელოვნად განმტკიცდა.
კომენტარები