„ყველას კარგად გვახსოვს ის განცხადებები, რა განცხადებები მოჰყვა ერთი წლის წინ ამ ცვლილებას, ამ კანონის მიღებას. ეს არახალია, მათ 2009 წლიდან უნდა სცოდნოდათ ეს ყველაფერი ძალიან კარგად“, – განაცხადა ფრაქცია „ქართული ოცნების“ თავმჯდომარემ, საპარლამენტო უმრავლესობის ლიდერმა, ირაკლი კირცხალიამ მაუწყებელთა ქცევის კოდექსის ამოქმედებასთან დაკავშირებით საუბრისას გადაცემაში „იმედი live“.
მისი თქმით, როდესაც საზოგადოებიდან დაკვეთაა, რომ იყოს ჯანსაღი სიტუაცია როგორც პოლიტიკაში, ასევე მედიაში, კეთილი უნდა ინებონ, გააშუქონ და საზოგადოებრივი აზრი ყველა მხრივ წარმოადგინონ კორექტულად.
„როდესაც ვსაუბრობთ სიჯანსაღეზე, როდესაც ვსაუბრობთ ჯანსაღ პოლემიკაზე, როდესაც ვსაუბრობთ ჯანსაღ გამოხატვის თავისუფლებაზე, ჯანსაღ სიტყვის თავისუფლებაზე, ჯანსაღ ოპონირებაზე, რა თქმა უნდა, აქ უდიდესი წვლილი შეაქვს მედიას. დღეს, მათივე ხელშეწყობით, ისინი, პირველ რიგში, რას უწყობდნენ ხელს? ისინი უწყობდნენ ხელს პოლარიზაციას, მაქსიმალურ პოლარიზაციას უწყობდნენ ხელს და გახსოვთ ის არნახული ბულინგი, რომელი ბულინგიც ხორციელდება თუნდაც, ამ ტელევიზიის ჟურნალისტების მიმართ და სხვადასხვა ტელევიზიის ჟურნალისტების მიმართ, ის სრულიად ანტიკოლეგიალური დამოკიდებულება იმიტომ, რომ სიძულვილის ენა ეს იყო -საზოგადოების გახლეჩა. საზოგადოების გახლეჩა იყო მათი პირდაპირი და მთავარი დავალება. არ დაგვავიწყდეს, ეს იყო ხალხი, რომელმაც ხელი ჩამოართვა, სტუდიაში მიიწვია და გმირად გამოაცხადა ახალგაზრდა ბიჭი, რომელმაც დედაზე თქვა უარი და ეს შეუქო. დედაზე, მშობელზე უარის თქმა, არ მახსოვს იმ ბიჭის გვარი, აი მართლა საცოდაობაა, ტრაგედიაა, საქართველოში არის ტრაგედია. მანაგაძე?- არ მახსოვს გვარი ნამდვილად. ახალგაზრდა ბიჭი, 20-22 წლის ბიჭი, აქტივისტი ამათი, ჩათრეული აი ამათ რაღაც ამაზრზენ მოძრაობაში, რომელმაც თქვა, დედაჩემს არ ვესაუბრები, დედა არ მყავსო. აი, მახსოვს კადრი, ტელევიზორში ვუყურებდი ჭავჭავაძეზე ხდებოდა ეს, რომ მე დედა აღარ მყავსო და ეს შეუქეს. აი ასეთი დონის სიბინძურეს და ოჯახებში თესავდნენ პოლარიზაციას ეს უსინდისოები“, – განაცხადა კირცხალიამ.