სომხეთის პრემიერ-მინისტრის, ნიკოლ ფაშინიანის თანმხლები პოლიციის ავტობუსი ერევნიდან ლორეს რეგიონში გადაადგილებისას ავარიაში მოყვა. ინფორმაციას სომხური მედია ავრცელებს.
მედიის ცნობით, ფაშინიანს ლორეში წინასაარჩევნო შეხვედრა ჰქონდა დაგეგმილი. პოლიცია საზოგადოებრივი წესრიგის დასაცავად იყო საჭირო.
სომხეთის შინაგან საქმეთა სამინისტროს მიერ გავრცელებული ინფორმაციის თანახმად, პოლიციის ავტობუსი Nissan-ის მარკის მსუბუქ ავტომობილს შეეჯახა.
ავტოსაგზაო შემთხვევის შედეგად ერთი ადამიანი დაიღუპა, ხოლო თორმეტს სამედიცინო დახმარება დასჭირდა.
კომენტარები