პერუში გამართული ადგილობრივი თვითმმართველობის არჩევნების შედეგად ქალაქ კეროპალკას მერი ჰიტლერ მუსოლინი სიმეონ ფლორესი გახდა. ინფორმაციას POLITICO ავრცელებს.
უჩვეულო სახელის მატარებელი კანდიდატი მემარცხენე-ცენტრისტული პარტიის „ერი ახლა“ წარმომადგენელია. მან ხმების 34% მიიღო.
გამოცემა აღნიშნავს, რომ მანამდე მსოფლიო პოლიტიკაში ჰიტლერის სახელით სხვა კანდიდატებიც იყვნენ ცნობილი. 2018 წელს ისევ პერუში, იუნგარის რაიონში გამართულ მერის არჩევნებში ჰიტლერმა ლენინი დაამარცხა – ჰიტლერ გესკლინ ალბა სანჩესმა ლენინ ვლადიმერ როდრიგეს ვალვერდესს სძლია.
ნამიბიაში კი ადოლფ ჰიტლერ უუნონამ გასულ წელს ზედიზედ მეხუთედ გაიმარჯვა ადგილობრივ არჩევნებში. „ბავშვობაში ეს სრულიად ჩვეულებრივ სახელად მიმაჩნდა“, – განუცხადა მან BBC-ს.
კომენტარები