აშშ-ის ვიცე-პრეზიდენტი, ჯეი დი ვენსი ირანსა და უნგრეთთან გამართული წარუმატებელი მოლაპარაკებების შემდეგ ვაშინგტონში „ცარიელი ხელებით“ დაბრუნდა. სტატიას ამ შინაარსით Financial Times-ი ავრცელებს.
გამოცემის ცნობით, ირანთან 21-საათიანი მოლაპარაკებების შემდეგ ვენსმა განაცხადა, რომ ვაშინგტონმა და თეირანმა შეთანხმებას ვერ მიაღწიეს. მანამდე, რამდენიმე დღით ადრე ვენსი უნგრეთში იყო ჩასული, რათა პრემიერ-მინისტრ, ვიქტორ ორბანისთვის მხარი დაეჭირა. აღნიშნული მცდელობაც უშედეგო აღმოჩნდა.
ორმაგი წარუმატებლობა სერიოზული დარტყმა იყო ვიცე-პრეზიდენტისთვის, რომელსაც ბევრი ტრამპის მემკვიდრედ განიხილავს და რომელიც უკანასკნელ დღეებში მისიების შესასრულებლად გაუშვეს.
ამასთან ერთად, ვენსი, რომელმაც კათოლიციზმი მიიღო, თვალს ადევნებდა იმას, თუ როგორ გააჩაღა მისმა უფროსმა კონფლიქტი რომის პაპთან და UFC-ის ბრძოლას დაესწრო სახელმწიფო მდივან, მარკო რუბიოსთან, რომელიც მომავალი პრეზიდენტის პოსტზე აგრეთვე ერთ-ერთ კანდიდატად განიხილება.
„რა თქმა უნდა, ვიცოდით, რომ არსებობდა დიდი ალბათობა იმისა, რომ ვიქტორ არჩევნებს წააგებდა“, – განაცხადა ვენსმა Fox News-თან ინტერვიუში. „ჩვენ ეს გავაკეთეთ იმიტომ, რომ ის იყო ერთ-ერთი ევროპელი ლიდერი, რომელიც, როგორც ჩვენ ვხედავდით, მზად იყო ბრიუსელის ბიუროკრატიას დაჰპირისპირებოდა, რომელსაც აშშ-თან ცუდი ურთიერთობები აქვს“.