როდესაც ბიძინა ივანიშვილს, ამ ავტორიტეტულ ადამიანს ცდილობ გაუვრცელო დეზინფორმაცია ქველმოქმედებაზე, ეს მეტყველებს მათ საცოდავ სახეზე, სასოწარკვეთაზე, – განუცხადა ჟურნალისტებს „ქართული ოცნების“ გორგასლის ოფისში, საპარლამენტო უმრავლესობის სხდომის დასრულების შემდეგ, საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, ირაკლი კირცხალიამ.
ჟურნალისტმა ჰკითხა, „ქართუზე“ და ფულის გაპროცენტებაზე გავრცელებული დეზინფორმაციის მიზანი რა იყო.
„გეგმის ნაწილია, რომ ყველა ავტორიტეტულ ფიგურას გაუვრცელონ დეზინფორმაცია. როდესაც ბიძინა ივანიშვილს, ამ ავტორიტეტულ ადამიანს ცდილობ გაუვრცელო დეზინფორმაცია ქველმოქმედებაზე, ეს მეტყველებს მათ საცოდავ სახეზე, სასოწარკვეთაზე, კომენტარის გაკეთებაც ზედმეტია. მინდა მივცე ჩემ თავს უფლება და გითხრათ, რომ ჩავეძიე ამ საკითხს და იმდენად უსუსური ტყუილია, წარმოდგენა არ გაქვთ. საუბარია საქველმოქმედო ფონდზე, რომელმაც ასესხა თავის მეორე კომპანიას თანხა. შეეძლოთ საერთოდ სესხის გარეშე მიეცათ. მილიარდობით აქვს დახარჯული ამ ოჯახს ჩვენი ქვეყნის კეთილდღეობისთვის. იგივე კომპანიამ დააბრუნა თანხა სიმბოლური პროცენტით და თავისივე პროცენტით ეს თანხა ასევე ქველმოქმედებას უნდა მოხმარდეს“, – აღნიშნა კირცხალიამ.