ყველაფრის „გაპრავება“ შეიძლება? მერე რა, რომ ჩვენი ოპონენტები არიან, ეს ხომ მათი ქვეყანაცაა? პაველ ჰერჩინსკიმ საქართველოში სამოქალაქო ომის პერსპექტივაზე ისაუბრა და არ უნდა აწუხებდეთ? – ამის შესახებ „ქართული ოცნების“ წევრმა, თენგიზ შარმანაშვილმა განაცხადა.
მისი თქმით, პაველ ჰერჩისნკის ალბათ გზავნილი ბრიუსელიდან მოუვოდა, ათქმევინეს.
„პაველ ჰერჩინსკის გზავნილი ალბათ ბრიუსელიდან მოუვიდა. არ მგონია, ეს ყველაფერი თავად ეთქვა, ათქმევინეს. ვიცით, მისი უფროსი ვინცაა, კაია კალასი. ალბათ, ეს „გენიალური აზრი“ იქ მომწიფდა. რა თქმა უნდა, მისთვის უნდა განმარტებულიყო, რომ საქართველოსთან, დამოუკიდებელ სახელმწიფოსთან ასეთი ტერმინებით საუბარი დაუშვებელია ისევე, როგორც საშინაო საქმეებში ჩარევა. ამ ადამიანს ასეთ რაღაცას პირველად არ აკეთებინებენ. არჩევნების წინ ღიად გამოხატა, ქართველ ხალხს ხმა ვისთვის უნდა მიეცა. ვენის კონვენციიდან გამომდინარე ეს მიუღებელია. ყველაფერი დაგროვდა და მას საგარეო უწყებაში სასაუბროდ დაუძახეს. გულუბრწყვილი არ ვართ და არ გვგონია, დაბარება ფუნდამენტურ გარდატეხვას გამოიწვევდა, ჩვენი პოზიცია დავაფიქსირეთ. ზღვარსგადასული განცხადებების შემდეგ, მინიმალური ნაბიჯი, რომ დაიბარო და პოზიცია გააცნო, გასაკეთებელი იყო და გავაკეთეთ“, – განაცხადა თენგიზ შარამანაშვილმა.
