როცა ოპოზიციაზე ვსაუბრობთ, ერთადერთი, რაც ვნახეთ მათი მხრიდან, 4 ოქტომბრის უპასუხისმგებლო ქმედებები იყო, – ამის შესახებ პარტიის „გახარია საქართველოსთვის“ წევრმა, დეპუტატმა გიორგი შარაშიძემ განაცხადა.
მისი თქმით, ამ დღემ ოპოზიციას და დემოკრატიულ პროცესებს არანაირი სიკეთე არ მოუტანა.
„პირიქით, ათობით ადამიანი უსამართლოდ სასჯელს იხდის. რაც შეეხება 26 მაისს, ამ დღეს ყოველთვის ქართველ ხალხთან ერთად ვზეიმობთ და ახლაც ასე მოვიქცევით. ბოიკოტისტები როდის რას გააკეთებენ, მათი გადასაწყვეტია, მაგრამ მათგან რაიმე სასიკეთოს არ ველოდები, რაც შეიძლება 26 მაისს მოხდეს“, – განაცხადა შარაშიძემ.
კომენტარები