აშშ-ის სახელმწიფო მდივნის, მარკო რუბიოს განცხადებით, ჩინეთის არმიის ზრდის ტემპები უკანასკნელი 10 წლის განმავლობაში უპრეცედენტოა.
როგორც რუბიომ ტელეკომპანია NBC News-თან ინტერვიუში განაცხადა, ჩინეთის არმიის განვითარება მხოლოდ ტაივანის პრობლემით არ არის განპირობებული. მისი თქმით, ჩინეთს სურს საკუთარი ძალა გლობალურად გაავრცელოს.
„ჩინეთის არმიის ზრდის ტემპები უკანასკნელი 10 წლის განმავლობაში უპრეცედენტოა. ეს აბსოლუტურად უპრეცედენტოა. მათ საკუთარ სისტემაში მილიარდობით დოლარი ჩადეს. ვფიქრობ, ეს ეს არ არის გამოწვეული მხოლოდ ტაივანით. ვფიქრობ, მათ აქვთ ამბიცია, რომ მიაღწიონ დონეს, რათა საკუთარი ძალის პროეცირება გლობალურად მოახდინონ, როგორც ახლა აშშ აკეთებს. ამ თვალსაზრისით, ისინი ჩვენ ჯერ ჩამოგვრჩებიან, მაგრამ დიდ ფულს ხარჯავენ. დღესდღეობით ისინი უსათუოდ მსოფლიოში სიძლიერით მეორე არმიას წარმოადგენენ“, – განაცხადა რუბიომ.