აშშ-ის პრეზიდენტმა დონალდ ტრამპმა განაცხადა, რომ ჩინეთი ამერიკული ნავთობის შესყიდვით არის დაინტერესებული, რათა „გაუმაძღარი მადა“ დაიკმაყოფილოს.
„ისინი [ჩინელები] დათანხმდნენ იყიდონ ნავთობი შეერთებული შტატებისგან. ისინი ჩავლენ ტეხასში, ხოლო ჩვენ ჩინურ გემებს გავაგზავნით ტეხასში, ლუიზიანასა და ალასკაში“, – განაცხადა ტრამპმა ჩინეთში ვიზიტის შეჯამებისას.
ამასთან, როგორც თეთრი სახლის ლიდერმა აღნიშნა, ჩინეთი დათანხმდა დაეხმაროს აშშ-ს ირანთან მოლაპარაკებებში და თეირანს სამხედრო აღჭურვილობა აღარ მიაწოდოს. მისი თქმით, ჩინეთის პრეზიდენტს სი ძინპინს სურს, რომ ჰორმუზის სრუტე ღია იყოს.
აღსანიშნავია, რომ ჩინეთი ირანული ნავთობის უმსხვილესი შემსყიდველია. პეკინი თეირანის საექსპორტო ნედლი ნავთობის დაახლოებით 90%-ს ყიდულობს. 2025 წელს ქვეყანა დღეში დაახლოებით 1,4 მილიონ ბარელ ირანულ ნავთობს ყიდულობდა.