აშშ-ის ენერგეტიკის მდივანმა, კრის რაითმა განაცხადა, რომ მისი აზრით, პეკინი – ირანული ნავთობის ერთ-ერთი უმსხვილესი მყიდველი – ომის ფონზე უფრო მეტ ამერიკულ ნედლ ნავთობს შეიძენს.
„ვფიქრობ, ისინი გააგრძელებენ აშშ-ის ნავთობის მზარდი რაოდენობით ყიდვას“, – აღნიშნა რაითმა CNBC-სთან ინტერვიუში.
„თუმცა, საბოლოო ჯამში, მსოფლიოს სჭირდება სპარსეთის ყურის გახსნა. ირანის მცდელობა, მთელი მსოფლიო მძევლად აიყვანოს – ხალხმა იცის, რომ ეს დროებითია“, – განაცხადა მან.
კითხვაზე, თუ რამდენი ხანი დასჭირდება სიტუაციის „ნორმალურ კალაპოტში დაბრუნებას“, რაითმა უპასუხა: „ეს დიდწილად ირანზეა დამოკიდებული“.
„ასე თუ ისე, ჩვენ ვიხილავთ ირანის ბირთვული პროგრამის დასრულებას და ვიხილავთ თავისუფალ ნაოსნობას ჰორმუზის სრუტეში. ეს შეიძლება საკმაოდ სწრაფად მოხდეს ირანთან შეთანხმების მიღწევის შემთხვევაში“, – განაცხადა მან.