აშშ-ის პრეზიდენტმა, დონალდ ტრამპმა თავის სოციალურ ქსელში დაწერა, რომ ნიგერიაში ამერიკელმა სამხედროებმა ნიგერიელი პარტნიორების მხარდაჭერით ტერორისტული ორგანიზაცია „ისლამური სახელმწიფოს“ ერთ-ერთი მეთაურის, აბუ-ბილალ ალ-მინუკის ლიკვიდაცია მოახდინეს.
„დღეს ღამით ჩემი მითითებით მამაცმა ამერიკელმა სამხედროებმა და ნიგერიის შეიარაღებულმა ძალებმა უნაკლოდ შეასრულეს მსოფლიოში ყველაზე აქტიური ტერორისტის ლიკვიდაციის კარგად დაგეგმილი და ძალიან რთული მისია. აბუ-ბილალ ალ-მინუკი „ისლამური სახელმწიფოს“ გლობალურ მმართველობაში რიგით მეორე ადამიანი იყო. მას ეგონა, რომ აფრიკაში დაიმალებოდა, თუმცა არ იცოდა, რომ გვყავდა წყაროები, რომლებიც საქმის კურსში გვამყოფებდნენ. ის აფრიკელი ხალხის დატერორებას და ამერიკელების წინააღმდეგ ოპერაციების დაგეგმვას ვეღარ შეძლებს. მისი ლიკვიდაციით „ისლამური სახელმწიფოს“ გლობალური საქმიანობა მნიშვნელოვნად შესუსტდა. მადლობას ვუხდი ნიგერიის მთავრობას ოპერაციაში გაწეული პარტნიორობისთვის. ღმერთმა დალოცოს ამერიკა“, – დაწერა ტრამპმა.