ბელგიაში მატარებლისა და სასკოლო ავტობუსის შეჯახების შედეგად ოთხი ადამიანი, მათ შორის ორი მოზარდი დაიღუპა.
ბელგიის ტრანსპორტის მინისტრის განცხადებით, ბუგენჰაუტში მომხდარი ავარიის შედეგად ორი მოზარდი, ავტობუსის მძღოლი და კიდევ ერთი ზრდასრული ადამიანი დაიღუპნენ.
ამასთან, როგორც ცნობილი ხდება, შემთხვევის მომენტში სასკოლო ავტობუსში სულ შვიდი ბავშვი, მძღოლი და თანმხლები პირი იმყოფებოდნენ.
ბელგიის საზოგადოებრივი მაუწყებლის, VRT-ის ცნობით, ინციდენტის დროს მატარებელში არავინ დაშავებულა.
ამასთან, ბელგიის რკინიგზის კომპანიაში აცხადებენ, რომ შეჯახების მომენტში რკინიგზის გადასასვლელი დაკეტილი იყო, შუქნიშანიშანზე კი წითელი შუქი იყო ანთებული, თუმცა მიკროავტობუსმა მოძრაობა მაინც გააგრძელა.
შემთხვევის გამო ბელგიის ცალკეულ რეგიონებში სარკინიგზო გადაადგილება დროებით შეფერხდა.