“კიდევ ერთხელ გამოჩნდა ამ ოპოზიციის სრული უსახურობა და მათი პოლიტიკური სტრატეგია, რომ არის მხოლოდ და მხოლოდ დესტრუქციაზე აგებული”

კიდევ ერთხელ გამოჩნდა ამ ოპოზიციის სრული უსახურობა და მათი პოლიტიკური სტრატეგია, რომ არის მხოლოდ და მხოლოდ დესტრუქციაზე აგებული, – განუცხადა „ქრონიკას“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა ოპოზიციის დაპირისპირებაზე საუბრისას.

მისივე თქმით, რაც მათ ჩაიდინეს საქართველოს სახელმწიფოს და დემოკრატიის წინააღმდეგ, არის საქართველოს წინააღმდეგ დესტაბილიზაციის დიდი პოლიტიკის ნაწილი.

„ნათელია, რაც მათ ჩაიდინეს საქართველოს სახელმწიფოს და დემოკრატიის წინააღმდეგ, არ არის მხოლოდ ლოკალური მოვლენა, რომელიც ერთ არჩევნებს უკავშირდება, ეს არის საქართველოს წინააღმდეგ დესტაბილიზაციის დიდი პოლიტიკის ნაწილი“, – აღნიშნა ირაკლი ქადაგიშვილმა.

პარლამენტის თავმჯდომარის განცხადებით, გარედან ნაკარნახევი დღის წესრიგის შედეგია ის, რაც დღეს ოპოზიციაში ხდება. შეერთებული შტატების სახელმწიფო დეპარტამენტის გზავნილი ოპოზიციაში მორიგი დაპირისპირების მიზეზი გახდა.