აშშ-ის პრეზიდენტმა, დონალდ ტრამპმა განაცხადა, რომ რეგიონში განხორციელებული ბოლო დარტყმების მიუხედავად, აშშ-სა და ირანს შორის ცეცხლის შეწყვეტის რეჟიმი ძალაში რჩება, და დასძინა, რომ მოლაპარაკებებმა „ძალიან კარგად“ ჩაიარა.
„იქ ცეცხლის შეწყვეტა სრულიად განსხვავდება მსოფლიოს სხვა ნაწილებში ცეცხლის შეწყვეტისგან“, – განუცხადა ტრამპმა ჟურნალისტებს ოვალურ კაბინეტში ოთხშაბათს, როდესაც ჰკითხეს, ნარჩუნდება თუ არა მყიფე ზავის პირობები.
მან მოლაპარაკებების მიმდინარეობაზე, რომელიც ომის დასრულებას ისახავს მიზნად, იმედისმომცემი სურათი დახატა და აღნიშნა, რომ პოტენციური პროგრესი, შესაძლოა, უკვე ამ უქმეებზეც კი შედგეს.
„თვითონ მოლაპარაკების პროცესმა ძალიან კარგად ჩაიარა. რეალურად, ძალიან კარგად. მაშინაც კი, თუ ეს მოხდება და შეიძლება არც მოხდეს, მაგრამ თუ მოხდება, ეს შეიძლება პირდაპირ უქმეებზე მოხდეს“, – თქვა მან.
ტრამპის განცხადებით, აშშ-ის მიერ განხორციელებულ დარტყმებს „თავისი მიზეზი“ ჰქონდა, ირანის ქმედებებზე კი აღნიშნა, რომ ქვეყანა თავისი თავდასხმებით „საპასუხო ნაბიჯებს“ დგამდა.