ბულგარეთი უკრაინისთვის იარაღის მიწოდებას აღარ გააგრძელებს. ინფორმაციას POLITICO ბულგარეთის თავდაცვის მინისტრზე დიმიტარ სტოიანოვზე დაყრდნობით ავრცელებს.
„ჩვენ უკვე ნათლად განვაცხადეთ, რომ უკრაინაში მიმდინარე ომი ბრძოლის ველზე ვერ გადაწყდება. დღეს ვხედავთ გამოფიტვის ომს, სადაც იარაღის რაოდენობის ზრდას მხოლოდ ადამიანური მსხვერპლის მატება მოაქვს. დროა, მხარეები მოლაპარაკების მაგიდასთან დასხდნენ“, – განაცხადა სტოიანოვმა.
გამოცემის ცნობით, ეს გადაწყვეტილება კიდევ უფრო ამყარებს ბულგარეთის ახალი მთავრობის პოზიციას, რომელიც უკრაინის მხარდაჭერის საკითხში ევროკავშირის პოლიტიკის მიმართ სკეპტიკურად არის განწყობილი. ცვლილება მას შემდეგ მოხდა, რაც ქვეყნის სათავეში რუმენ რადევი აპრილში გამართულ საპარლამენტო არჩევნებში დამაჯერებელი გამარჯვებით მოვიდა.
რუსეთის მიერ 2022 წელს უკრაინაში სრულმასშტაბიანი შეჭრის შემდეგ ბულგარეთმა კიევს სამხედრო დახმარების 13 პაკეტი გადასცა, თუმცა რადევი არაერთხელ გამოხატავდა სკეპტიციზმს უკრაინის სამხედრო წარმატების მიმართ და უკრაინის საქმეს „განწირულად“ მოიხსენიებდა.