უნგრეთის პრემიერ-მინისტრმა, პეტერ მადიარმა უკრაინის ევროკავშირში ინტეგრაციის პროცესთან დაკავშირებით ქვეყნის პოზიცია კიდევ ერთხელ დააფიქსირა და აღნიშნა, რომ ბუდაპეშტი კიევის დაჩქარებული წესით გაწევრიანებას მხარს არ დაუჭერს.
„უკრაინის გაწევრიანებასთან დაკავშირებით ადრეც გარკვევით ვთქვი და ახლაც შემიძლია გავიმეორო: ჩვენ არანაირ ორმაგ სტანდარტს არ მივიღებთ. ვერ ვხედავთ დაჩქარებული გაწევრიანების აუცილებლობას, მით უმეტეს, როდესაც საუბარია ქვეყანაზე, რომელიც, სამწუხაროდ, ჯერ კიდევ ომში იმყოფება“, – განაცხადა მადიარმა.
მთავრობის მეთაურის თქმით, ამჟამად დღის წესრიგშია გაწევრიანების 33 თემატური თავი.
მადიარის განცხადებით, პირველი თავის გახსნა, რომელიც კანონის უზენაესობასა და ადამიანის უფლებებს ეხება, უნგრეთის ინტერესებში შედის, რადგან ეს პირდაპირ უკავშირდება უკრაინაში მცხოვრები ეთნიკური უნგრული უმცირესობის უფლებების დაცვას.