ირანის საგარეო საქმეთა მინისტრმა, აბას არაღჩიმ განაცხადა, რომ აშშ-ის მხრიდან არცერთი თავდასხმა არ დარჩება „უპასუხოდ“.
მინისტრის ეს განცხადება მოჰყვა აშშ-ის მიერ განხორციელებულ ახალ საპასუხო დარტყმებს, რაც სამხედრო ვერტმფრენის ჩამოგდებას მოჰყვა.
„ბრძოლის ველზე განცდილი მარცხის მიუხედავად, აშშ-მა ჩვენი სიმტკიცის გამოცდა გადაწყვიტა. ჩვენი ძლიერი შეიარაღებული ძალები არცერთ თავდასხმასა თუ მუქარას არ დატოვებენ უპასუხოდ“, – დაწერა არაღჩიმ სოციალურ ქსელ X-ში.
ირანის საგარეო უწყების ხელმძღვანელმა ვაშინგტონი მკაცრად გააფრთხილა და აღნიშნა: „დატოვეთ ჩვენი რეგიონი, თუ უსაფრთხოდ ყოფნა გსურთ“.
კომენტარები