აშშ-ის საიმიგრაციო სამსახურის თანამშრომლებმა მეინის შტატში 26 წლის მიგრანტი ცეცხლსასროლი იარაღით მოკლეს. ინფორმაციას ამის შესახებ „სიენენი“ ავრცელებს.
მოკლულია კოლუმბიელი მამაკაცი ჯოან სებასტიან გუერერო. შემთხვევა ქალაქ ბიდფორდში 13 ივლისს მოხდა.
„სიენენის“ ინფორმაციით, სათვალთვალო კამერების კადრებში ჩანს, რომ თეთრი ფერის ავტომობილი ბიდფორდის ერთ-ერთ გზაჯვარედინზე წრეზე მოძრაობდა, ხოლო ორი ქვეითი პირი, რომლებიც, სავარაუდოდ, საემიგრაციო სამსახურის თანამშრომლები იყვნენ, მის გაჩერებას ცდილობდა. ამ დროს თეთრი ფერის ავტომანქანა მანქანას შეეჯახა. ამის შემდეგ სავარაუდოდ, საიმიგრაციო სამსახურის თანამშრომლებმა მანქანა ალყაში მოაქციეს, ერთ-ერთმა მათგანმა კი მძღოლს იარაღი დაუმიზნა.
აშშ-ის შიდა უსაფრთხოების სამინისტრომ განაცხადა, რომ აგენტმა იარაღი „საზოგადოებრივი უსაფრთხოებისთვის“ გამოიყენა, თუმცა არ დააკონკრეტა, რატომ მიიჩნია მამაკაცი საფრთხედ.
ცნობისთვის, მანამდე ტეხასში აშშ-ის საიმიგრაციო სამსახურის თანამშრომლებმა კიდევ ერთი მიგრანტი მოკლეს.