აშშ ახლო აღმოსავლეთში თვითმფრინავების რაოდენობას ზდის მაშინ, როდესაც ირანთან დაძაბულობა პიკს აღწევს, – წერს ამერიკული ტელეკომპანია CNN-ი.
ამერიკელი ოფიციალური პირის განცხადებით, აშშ ევროპაში მდებარე ბაზებიდან დამატებითი F-16 და F-35 ტიპის გამანადგურებლების, აგრეთვე მოსამარაგებელი თვითმფრინავების გაგზავნას გეგმავს.
დამატებითმა რესურსებმა შესაძლოა გააფართოოს პრეზიდენტ დონალდ ტრამპის შესაძლებლობები მაშინ, როდესაც ის განიხილავს, როგორ იმოქმედოს კონფლიქტში.
გასულ კვირას ტრამპმა განიხილა ირანის მთავარი საექსპორტო ჰაბის – ხარკის კუნძულის დაკავების ან ირანული ბირთვული ობიექტების დაბომბვის შესაძლებლობა.
თუმცა, ტრამპი მთლიანად არ გამორიცხავს დიპლომატიური გამოსავლის ძიებას და აშშ-ის სახელმწიფო მდივანმა მარკო რუბიომ განაცხადა, რომ მოლაპარაკებების მაგიდასთან დაბრუნების კარი ღია რჩება.