„უხვი ნალექიდან გამომდინარე საპატრულო პოლიციამ ქალაქის მერიასთან ერთად ეფექტურად იმოქმედა. პრევენციულად დაიკეტა შესაბამისი ლოკაციები, სადაც იყო მაღალი წყლის ნაკადი“, – განაცხადა შინაგან საქმეთა სამინისტროს წარმომადგენელმა ფეისბუქლაივში ძლიერი წვიმის შედეგად შექმნილ პრობლემასთან დაკავშირებით.
მისი თქმით, საპატრულო პოლიციის ეკიპაჟები შინაგან საქმეთა სამინისტროს სხვადასხვა დეპარტამენტთან ერთად აქტიურად მუშაობენ და კოორდინირებულად, ვინაიდან დროულად იყოს აღმოფხვრილი უხვი ნალექიდან გამომდინარე ხარვეზები.
„უხვი ნალექიდან გამომდინარე საპატრულო პოლიციამ ქალაქის მერიასთან ერთად ეფექტურად იმოქმედა. პრევენციულად დაიკეტა შესაბამისი ლოკაციები, სადაც იყო მაღალი წყლის ნაკადი. საპატრულო პოლიციის ეკიპაჟები შინაგან საქმეთა სამინისტროს სხვადასხვა დეპარტამენტთან ერთად აქტიურად მუშაობენ და კოორდინირებულად, ვინაიდან დროულად იყოს აღმოფხვრილი უხვი ნალექიდან გამომდინარე ხარვეზები.
ამ დროისთვის შეზღუდვები გვაქვს მარჯვენა სანაპიროზე, ნაწილობრივი შეზღუდვებია. ასევე, ქალაქის სხვადასხვა უბნებში. დიდუბე-ჩუღურეთის მიმართულებაზე, წერეთელი- ერისთავის ქუჩის კვეთაზე. ასევე, თამარაშვილის ქუჩაზე აღმოიფხვრა პრობლემები, ეფექტური მუშაობის შედეგად აღდგენილია მოძრაობა. სხვადასხვა უბნებში გრძელდება მუშაობა, სადაც დროულად იქნება აღდგენილი მოძრაობა“, – აღნიშნა მან.