თბილისის საქალაქო სასამართლოში საბოტაჟის საქმეზე ბრალდებული 8 პოლიტიკოსის სასამართლო პროცესი მიმდინარეობს, დღევანდელ სასამართლო სხდომაზე ბრალდების მხარის წერილობით მტკიცებულებებს იკვლევენ.
პროკურატურის განცხადებით, საქმეში დევს დოკუმენტები, რომლებიც ადასტურებს, რომ პოლიტიკოსების საჯარო განცხადებები აშკარად ძალადობისკენ მოწოდებას წარმოადგენდა.
„საქმე არის საკმაოდ მოცულობითი, 47 ტომს შეადგენს და მასშია მოთავსებულია არაერთი დოკუმენტი, რომელშიც წარმოადგენს საქმეზე მტკიცებულებას. ამ საქმეში დოკუმენტურად არის აღბეჭდილი პოლიტიკოსების საჯარო განცხადებები, რომლებიც პირდაპირ ძალადობისკენ მოწოდებებია. ასევე ვიკვლევთ იმ პირთა წრეს, რომლებიც დაზიანდნენ სწორედ ამ აქციების შედეგად. დღეს გამოვიკვლიეთ არაერთი პირის ჯანმრთელობის მდგომარეობის შესახებ ინფორმაცია, მათ შორის, სამართალდამცველების, რომლებიც სწორედ აქციაზე დაპირისპირების შედეგად დაზიანდნენ”, – განაცხადა პროკურორმა ანი ხუბეჯაშვილმა.