სინგაპურში საქართველოს პრემიერ-მინისტრის ვიზიტის ფარგლებში, ეკონომიკისა და მდგრადი განვითარების მინისტრი მარიამ ქვრივიშვილი სინგაპურის ციფრული განვითარებისა და ინფორმაციის, ასევე ჯანდაცვის სამინისტროების უფროს სახელმწიფო მინისტრს, ტან კიატ ჰოუს შეხვდა.
ეკონომიკის სამინისტროს პრესსამსახურის ინფორმაციით, შეხვედრის ფარგლებში მხარეებმა განსაკუთრებული ყურადღება გაამახვილეს ქვეყნების ეკონომიკაში ხელოვნური ინტელექტის ინტეგრაციისა და ეფექტიანი გამოყენების მნიშვნელობაზე.
„მინისტრებმა განსაზღვრეს თანამშრომლობის ახალი პრიორიტეტული მიმართულებები და გამოხატეს მზადყოფნა, გააღრმავონ პარტნიორობა, მათ შორის, საქართველოს ინოვაციებისა და ტექნოლოგიების სააგენტოს (GITA) მიმართულებით“, – აღნიშნულია ეკონომიკის სამინისტროს მიერ გავრცელებულ ინფორმაციაში.
შეხვედრას ეკონომიკისა და მდგრადი განვითარების მინისტრის მოადგილეები: გენადი არველაძე და ირაკლი ნადარეიშვილი ესწრებოდნენ.