აშშ-ის სახელმწიფო მდივნის მარკო რუბიოს განცხადებით, ირანის ხელისუფლების წარმომადგენლები ამერიკელებს ყოველდღე ურეკავენ და გარიგების დადებას სთხოვენ.
როგორც რუბიომ ჟურნალისტებთან საუბრისას აღნიშნა, ირანელები ამერიკელებს გზავნილებს მესამე ქვეყნების მეშვეობითაც უგზავნიან.
„ისინი [ირანელები] არიან ადამიანები, რომლებიც ყოველდღე გვირეკავენ და გარიგების დადებას გვთხოვენ. სხვადასხვა, მესამე ქვეყნებში გზავნილებს აგზავნიან. პრობლემა ისაა, რომ ყოველ ჯერზე, როცა ეს ადამიანები გარიგებას დებენ, ისინი მას არღვევენ, ან მის შეცვლას ცდილობენ. სავარაუდოდ, ისინი ჯერ მზად არ არიან გარიგების დასადებად. მაგრამ მალე მზად იქნებიან“, – თქვა რუბიომ.
აშშ-ის სახელმწიფო მდივნის თქმით, ირანელები ამერიკასთან კონფლიქტის გამო ძალიან ზიანდებიან და ეს გაგრძელდება მანამ, სანამ ისინი გონს არ მოეგებიან.
„მკაცრი განცხადებებისა და უაზრო ლეგო ვიდეორგოლების მიუხედავად, ისინი ძალიან ზიანდებიან და უფრო დაზიანდებიან მანამ, სანამ გონს არ მოეგებიან“, – დასძინა მან.