აშშ-ის პრეზიდენტმა დონალდ ტრამპმა განაცხადა, რომ ისრაელის პრემიერ-მინისტრი ბენიამინ ნეთანიაჰუ მომავალ კვირას შეერთებულ შტატებს ეწვევა. ინფორმაციას Reuters-ი ავრცელებს.
ტრამპმა აღნიშნული განცხადება თეთრი სახლის კორესპონდენტთა ასოციაციის ყოველწლიურ ვახშამზე გამოსვლისას გააკეთა, სადაც მან ამერიკელ სენატორს ჩაკ შუმერს ირონიულად „პალესტინელი“ უწოდა.
„ხვალ მას [შუმერს] ულამაზეს პალესტინურ სამოსს გავუგზავნი, რათა მომავალ კვირას, ვაშინგტონში ჩამოსულ ბიბი ნეთანიაჰუს შესაფერისად შეხვდეს“, – განაცხადა ტრამპმა.
„ის პალესტინელად იქცა“, – აღნიშნა ტრამპმა ეროვნებით ებრაელ შუმერზე.
ამერიკულმა მუსლიმურმა და ებრაულმა უფლებადამცველმა ორგანიზაციებმა ტრამპი სენატის „დემოკრატიული“ უმცირესობის ლიდერის მიმართ ამ ტერმინის გამოყენების გამო ადრეც გააკრიტიკეს. უფლებადამცველთა განცხადებით, ტრამპი სიტყვა „პალესტინელს“ შეურაცხმყოფელი კონტექსტით იყენებს.
ნეთანიაჰუს ადმინისტრაციის ცნობით, ისრაელის პრემიერ-მინისტრი ვაშინგტონში ორშაბათს გაემგზავრება, ხოლო ტრამპთან შეხვედრას სამშაბათს გამართავს. ოფიციალური ინფორმაციით, ნეთანიაჰუ ასევე დაესწრება გარდაცვლილი ამერიკელი სენატორის ლინდსი გრემის დაკრძალვის ცერემონიალს.
ტრამპისა და ნეთანიაჰუს შეხვედრა იმ ფონზე იმართება, როცა აშშ-ისა და ისრაელის ირანთან ომის დაწყებიდან 5 თვე სრულდება.