აშშ-ის პრეზიდენტმა, დონალდ ტრამპმა უარყო შეკითხვა თურქეთისთვის F-35 ტიპის გამანადგურებლების მიყიდვასთან დაკავშირებით ბენიამინ ნეთანიაჰუს პროტესტის შესახებ და განაცხადა, რომ გაყიდვების საკითხს მის გარდა ვერავინ გადაწყვეტს.
ამ თვის დასაწყისში ტრამპმა მიანიშნა, რომ განიხილავდა თურქეთისთვის გამანადგურებლების მიყიდვის ნებართვის გაცემას, რაც ამჟამად ეწინააღმდეგება აშშ-ის კანონმდებლობას, რადგან თურქეთი რუსული წარმოების საჰაერო თავდაცვის სისტემებს ფლობს.
„ის ჩემი მეგობარია და ვერავინ მეტყვის, რა უნდა მივყიდოთ მას“, – განაცხადა ტრამპმა თურქეთის პრეზიდენტ რეჯეფ თაიფ ერდოღანზე და დასძინა, რომ თურქეთი „უდიდესი მოკავშირეა.“
ტრამპმა ასევე აღიარა, რომ „თურქეთი ისრაელის დიდი თაყვანისმცემელი არ არის.“
ტრამპმა, რომელიც ამ კვირაში ვაშინგტონში ნეთანიაჰუსთან შეხვედრას გეგმავს, აღნიშნა, რომ თუმცა ირანის საკითხზე მათი პოზიციები „საკმაოდ ახლოსაა“, მცირედი განსხვავება მაინც არსებობს.