სამხრეთ იაპონიაში ცოტა ხნის წინ 7,1 მაგნიტუდის სიმძლავრის მიწისძვრა მოხდა, რის შემდეგაც იაპონიის მეტეოროლოგიურმა სააგენტომ არიაკესა და იაცუშიროს ზღვების სანაპიროებისთვის ცუნამის შესახებ გაფრთხილება გამოსცა. ინფორმაციას ABC News-ი ავრცელებს.
აშშ-ის გეოლოგიური სამსახურის (USGS) ინფორმაციით, მიწისძვრის ეპიცენტრი კუმამოტოს პრეფექტურაში მდებარეობდა, ხოლო კერა 10 კილომეტრზე ოდნავ მეტ სიღრმეზე იყო.
დაზიანებების შესახებ ინფორმაცია ამ დროისთვის არ გავრცელებულა, თუმცა ოფიციალურმა პირებმა მოსახლეობას მოუწოდეს, თავი შეიკავონ ოკეანესა და სანაპირო ზოლთან მიახლოებისგან.
კომენტარები