აშშ-ის პრეზიდენტმა დონალდ ტრამპმა Fox News-თან ინტერვიუში განაცხადა, რომ, თუ ის ირანის დაბომბვის განახლებას კვლავ დააპირებს, პრაქტიკულად ერთ საათში ყველა ხიდს გაანადგურებს.
გარდა ამისა, როგორც ტრამპმა აღნიშნა, ხიდების შემდეგ მას ირანში ჰიდროელექტროსადგურების განადგურებაც შეუძლია.
„თუ საქმის ბოლომდე მიყვანას დავუბრუნდები, როგორც ამას ზოგიერთი ითხოვს, ხიდებზე იერიშებს მოვაწყობ და ძალიან მარტივად, ერთ საათზე ნაკლებ დროში მათ უმეტესობას გავანადგურებ. იცით, ხიდის აშენებას მათ 10 წელი სჭირდებათ. ხიდების მშენებლობას ყველაზე მეტი დრო მიაქვს. მეორე ადგილზე კი ელექტროსადგურებია. ელექტროსადგურების განადგურება ერთ დღეში შემიძლია. მათი არცერთი ელექტროსადგური აღარ იარსებებს“, – განაცხადა ტრამპმა.
თუმცა, როგორც თეთრი სახლის ლიდერმა აღნიშნა, ირანში მცხოვრებ 91 მილიონ ადამიანს ელექტროენერგიისა და ხიდების გარეშე ყოფნა მოუწევს, რაც ძალიან ფაქიზი თემაა.
„ვფიქრობ, 91 მილიონ ადამიანს მოუწევს ცხოვრება ელექტროენერგიისა და ხიდების გარეშე. ეს კი ძალიან, ძალიან ფაქიზი ბალანსია. მათ იციან, რომ, თუ შეთანხმებას არ მიაღწევენ, ამას გავაკეთებ. ხიდები უბრალოდ აღარ იარსებებს – პირდაპირი მნიშვნელობით. ორ საათზე ნაკლებ დროში, ვიტყოდი, რომ ძირითადი ხიდების უმეტესობა განადგურდება. ელექტროსადგურები კი – ერთ დღეში. თუ ამის თავიდან აცილება შემიძლია, მირჩევნია, ავიცილო“, – თქვა მან.