იაპონიის სამხრეთით, კუნძულ კიუშუზე მომხდარი 7.1 მაგნიტუდის სიმძლავრის მიწისძვრის შედეგად დაღუპულთა რიცხვი 18-მდე გაიზარდა. აღნიშნულ მონაცემებს ქვეყნის ცენტრალური მთავრობა და კუმამოტოს პრეფექტურა ავრცელებენ.
ოთხშაბათს დილით იაპონიის პრემიერ-მინისტრმა, სანაე ტაკაიჩიმ თავდაპირველად 13 გარდაცვლილის შესახებ განაცხადა, თუმცა მოგვიანებით მსხვერპლთა რაოდენობას კიდევ ხუთი ადამიანი დაემატა, რომლებიც ქალაქ იაცუშიროში, ქაღალდის ქარხნის საკვამლე მილის ჩამონგრევის შედეგად დაიღუპნენ. ქარხანაში სამაშველო სამუშაოები ამ დრომდე გრძელდება. ვარაუდობენ, რომ ნანგრევების ქვეშ შესაძლოა კიდევ ოთხი ადამიანი რჩებოდეს.
კუმამოტოს პრეფექტურაში დილიდან მასშტაბური სამაშველო ოპერაცია მიმდინარეობს. იაპონიის თავდაცვის სამინისტროს ინფორმაციით, კატასტროფის ზონაში თავდაცვის ძალების 3 600-მდე სამხედროა მობილიზებული.
„ადამიანები ჯერ კიდევ ელოდებიან გადარჩენას, ამიტომ ჩვენ დროსთან ნამდვილი რბოლა გვიწევს“, – განაცხადა იაპონიის მთავრობის ხელმძღვანელმა.