აშშ-ის შეიარაღებული ძალების ცენტრალური სარდლობის (CENTCOM) ინფორმაციით, გვიან ღამით ამერიკულმა ძალებმა წარმატებით განახორციელეს მასშტაბური საჰაერო დარტყმების ტალღა ირანის წინააღმდეგ, რაც წინა დღეს აშშ-ის სამხედროებზე განხორციელებული სარაკეტო თავდასხმის მცდელობის საპასუხო ქმედება იყო.
CENTCOM-ის ცნობით, დარტყმები ირანში ისლამური რევოლუციის გუშაგთა კორპუსის ათეულობით ობიექტზე განხორციელდა. სამიზნეებს შორის იყო სამხედრო სამეთაურო ცენტრები, სარაკეტო და დრონების ინფრასტრუქტურა, სანაპირო მეთვალყურეობისა და თავდაცვის პოზიციები, ასევე საზღვაო შესაძლებლობები.
სარდლობის განცხადებით, ოპერაციის მიზანი იყო ირანისა და მისი მოკავშირე დაჯგუფებების მხრიდან ამერიკელი სამხედროების, კომერციული გემების და სპარსეთის ყურის მეზობელი ქვეყნების მიმართ არსებული საფრთხეების კიდევ უფრო შემცირება.
CENTCOM-ის ინფორმაციით, 28 ივლისს ისლამური რევოლუციის გუშაგთა კორპუსმა ირანის ტერიტორიიდან ახლო აღმოსავლეთში განთავსებულ ამერიკულ ძალებზე მოულოდნელად რამდენიმე ბალისტიკური რაკეტა გაუშვა, თუმცა ყველა მათგანი წარმატებით იქნა განადგურებული საჰაერო თავდაცვის სისტემების მიერ.
ამჟამად ახლო აღმოსავლეთში 50 000-ზე მეტი ამერიკელი სამხედროა განთავსებული. CENTCOM-ის განცხადებით, ისინი მაღალი საბრძოლო მზადყოფნის რეჟიმში იმყოფებიან და მზად არიან ნებისმიერ საფრთხეს უპასუხონ.