2008 წელს, იმის მიუხედავად რომ ჯარი ძალიან კარგად იყო ჩაცმულ-დახურული, კარგადაც იკვებებოდა, ჯარი იყო სავალალო მდგომარეობაში, – განაცხადა სამხედრო ექიმმა, ომის ვეტერანმა, ვიცე-პოლკოვნიკმა, 2008 წლის ომის საველე ჰოსპიტლის ხელმძღვანელმა ლაშა ქოიავამ პოდკასტში „რეჟიმის ანატომია“.
როგორც ქოიავა აღნიშნავს, რეფორმები, რომელიც ირაკლი ოქრუაშვილმა ჩაატარა, მიმართული იყო ჯარის დემორალიზაციაზე და ჯარისკაცის დაკნინებაზე.
„ერთი ბრძანებით ჯარიდან გაშვებული იყო რამდენიმე ათასი ადამიანი, იმის გამო, რომ ისინი იყვნენ ვეტერანები. ჯერ ეს ბარამიძეს ჰქონდა დაბარებული და ბარამიძემ დაავალა ელენე ხოშტარიას, რომ ჯარიდან სამხედროები უნდა გაეყარა. მერე მოვიდა ოქრუაშვილი და ერთი ბრძანებით გაუშვა რამდენიმე ათასი ადამიანი, რამაც, რასაკვირველია, ჯარის მორალურ მდგომარეობაზე ცუდი შედეგი გამოიღო“, – აღნიშნა ქოიავამ.