უკრაინის ელჩი ბულგარეთის საგარეო საქმეთა სამინისტროში დაიბარეს მას შემდეგ, რაც ქვეყნის ტერიტორიაზე, ტრანსბალკანური გაზსადენის კომპრესორულ სადგურთან ახლოს, სავარაუდოდ, უკრაინული უპილოტო საფრენი აპარატი აფეთქდა.
საგარეო უწყებაში აღნიშნეს, რომ საუბარი ორშაბათს, 10 აგვისტოს შედგება, ვინაიდან უკრაინის ელჩი ოლესია ილაშჩუკი ქვეყანაში ჯერ არ დაბრუნებულა.
მანამდე ბულგარეთის პრემიერ-მინისტრმა განაცხადა, რომ უპილოტო საფრენი აპარატი ბულგარეთის საჰაერო სივრცეში რუმინეთის ტერიტორიიდან შევიდა, რის შემდეგაც ტრანსბალკანური გაზსადენის კომპრესორული სადგურიდან ერთ კილომეტრში, ყოფილი სასაზღვრო გამშვები პუნქტის, „კარდამის“ სიახლოვეს აფეთქდა.
უკრაინის საგარეო საქმეთა სამინისტროში ხაზგასმით აღნიშნეს, რომ თუ დრონი ნამდვილად უკრაინულია, ის ბულგარეთში უკრაინული მხარის განზრახ ქმედებების შედეგად არ აღმოჩენილა და რომ კიევი ყველა დეტალის გასარკვევად სოფიასთან თანამშრომლობისთვის ღიაა.