ჩვენ კარგად გვახსოვს ის ყალბი ემოცია, რომელიც გააჩნდა მეხუთე კოლონას საქართველოში, – განაცხადა საპროცედურო საკითხთა და წესების საპარლამენტო კომიტეტის თავმჯდომარემ, დავით მათიკაშვილმა ლევან მაჭავარიანის წერილზე საუბრისას.
მისივე თქმით, ეს არის ე.წ სამოქალაქო სექტორის დიდი ნაწილი, მდიდარი NGO-ები, ესენი არიან რადიკალური აგენტურული ოპოზიციის წარმომადგენლები.
„მაშინ როცა 2008 წელს მოღალატეობრივი პოლიტიკის გამო საქართველოს ტერიტორიის 20% მოღალატე ხელისუფალის მეშვეობით პრაქტიკულად გადაეცა ოკუპანტს, მაშინ არ ჰქონდათ ეს რეაქცია. ჩვენ კარგად გვახსოვს ის გზა, რომელიც აგენტურამ გაიარა 2008 წლიდან დღემდე, მაგრამ როგორც კი მეორედ შეიჭრა უკრაინაში რუსეთი, აბსოლუტურად სხვა მეთოდით ამოქმედდნენ. ნათელია ამ ყველაფრის საბაბი და მიზანიც – ისინი ასრულებენ იმას, რაც აქვთ დავალებული“, – აღნიშნა დავით მათიკაშვილმა.
ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი სოციალურ ქსელში პოსტს აქვეყნებს და ოპოზიციას, არასამთავრობო ორგანიზაციებსა და აქტივისტებს მიმართავს: „აგენტურის წარმომადგენლები მთელი ეს წლები ცდილობდნენ შეექმნათ აღქმა, რომ ჩვენ უკრაინას არ ვეხმარებოდით. არც ერთ მათ წარმომადგენელს ერთხელაც არ უხსენებია, რომ ყველა რეზოლუციასა და საერთაშორისო დოკუმენტს მივუერთდით, შევიფარეთ 30 000-მდე უკრაინელი დევნილი – ჩვენი მასშტაბისა და შესაძლებლობების არცერთ ქვეყანას ამდენი არ გაუკეთებია“.