ახლა ომს ვერ გავაჩერებთ, ეს არარეალისტურია, – ამის შესახებ უკრაინის პრეზიდენტის ოფისის ხელმძღვანელმა, კირილ ბუდანოვმა განაცხადა.
„რუსეთს ამ მომენტისთვის არ სურს ომის გაჩერება [გაყოფის] ხაზზე, კატეგორიულად არ სურს. ახლა, ძირითადად, [მოლაპარაკებები] ტყვეების გაცვლით შემოიფარგლება…
ვფიქრობ, ძალიან მალე ყველა დაინახავს მოლაპარაკებებს, მაგრამ ეს უფრო ტექნიკური მხარეა, [რომელიც] რამე უფრო დიდისთვის მომზადებას შეეხება“, – განაცხადა ბუდანოვმა.
მან ასევე აღნიშნა, რომ უკრაინა ახლა ვერ შეძლებს ომის გაჩერებას და საბრძოლო ქმედებები ზამთარშიც გაგრძელდება.
„ახლა ვერ შევძლებთ ომის გაჩერებას, არა იმიტომ, რომ არ გვინდა, არამედ უბრალოდ იმიტომ, რომ ეს არარეალისტურია“, – განაცხადა ბუდანოვმა.
კითხვაზე, იომებს თუ არა უკრაინა ზამთარში, ბუდანოვმა უპასუხა: „სამწუხაროდ, ვშიშობ, რომ კი!“
მან ასევე ტყვეთა დიდი გაცვლა დააანონსა, რომელიც, მისი თქმით, „ძალიან მალე“ იქნება.