ევროკავშირმა ნეპალს ორი მილიონი ევროს ჰუმანიტარული დახმარება გამოუყო.
დაფინანსება ქვეყანაში საკვების, ჯანდაცვის, სუფთა წყლისა და სანიტარული ნორმების გადაუდებელ საჭიროებებს დააკმაყოფილებს.
ამასთან, ევროკავშირმა გაააქტიურა თავისი კოპერნიკის სატელიტური სერვისი დაზარალებული ტერიტორიის რუკის დასადგენად და სტიქიის შედეგად დაკარგულების საპოვნელად.
იქამდე კი ცნობილი გახდა, რომ გაერთიანებული სამეფო ნეპალს – 5 მილიონი ფუნტი სტერლინგის (6.7 მილიონი აშშ დოლარი), აშშ კი 500 000 დოლარის ჰუმანიტარულ დახმარებას გაუგზავნის.
ბოლო მონაცემებით, ნეპალში წყალდიდობას, სულ მცირე, 540 ადამიანი ემსხვერპლა, 1 500-ზე მეტი კი ამ დრომდე დაკარგულად ითვლება.
კომენტარები