2012 წლიდან დღემდე, ბათუმის საზღვაო აკადემიაში სახელმწიფოს განხორციელებული აქვს 50 მლნ ლარზე მეტი ინვესტიცია. 2012 წელს თუ გვყავდა 8 ათასი მეზღვაური, დღეს უკვე 21 ათასი მეზღვაური გვყავს, რაც ნათლად აჩვენებს ზრდის ტენდენციას, – განაცხადა ეკონომიკისა და მდგრადი განვითარების მინისტრის მოადგილემ, თამარ იოსელიანმა „დღის ქრონიკაში“.
მისი თქმით, ბათუმის საზღვაო აკადემიამ წელს სტუდენტების გაორმაგებული რაოდენობა მიიღო.
„იმისთვის, რომ კონკურენტუნარიანები ვიყოთ და ჩვენი ქვეყანა ჩამოყალიბდეს სატრანსპორტო ლოგისტიკურ ჰაბად, უმნიშვნელოვანესია როგორც ინფრასტრუქტურა, ასევე ტექნოლოგიები და ადამიანური რესურსი. ამ მიმართულებით, წლების განმავლობაში საქართველოს მთავრობა შესაბამის ნაბიჯებს დგამდა. 2012 წლიდან დღემდე, ბათუმის საზღვაო აკადემიაში სახელმწიფოს განხორციელებული აქვს 50 მლნ ლარზე მეტი ინვესტიცია. 2012 წელს თუ გვყავდა 8 ათასი მეზღვაური, დღეს უკვე 21 ათასი მეზღვაური გვყავს, რაც ნათლად აჩვენებს ზრდის ტენდენციას. წელს გავაორმაგეთ კონტინგენტის მიღება ბათუმის სახელმწიფო საზღვაო აკადემიაში. წინა წლებში თუ 450 სტუდენტს ვიღებდით, წელს 900-მდე სტუდენტის მიღების საშუალება გვქონდა. ასევე, ბათუმის საზღვაო აკადემიის ფოთის ფილიალი პირველად შეძლებს წელს სტუდენტების მიღებას“, – აღნიშნა იოსელიანმა.