„ჰუსიტების“ მოძრაობამ იემენის წითელი ზღვის მთელ სანაპიროზე კონტროლი დაამყარა, – ამის შესახებ AFP-ს იემენის ხელისუფლების მაღალჩინოსანმა განუცხადა.
იემენის საერთაშორისოდ აღიარებული მთავრობის წარმომადგენელმა სააგენტოს ასევე უთხრა, რომ „ჰუსიტმა“ ამბოხებულებმა ბაბ-ელ-მანდების სრუტეში კიდევ ორი კუნძული დაიკავეს.
იქამდე კი ცნობილი გახდა, რომ იემენში მოქმედმა, ირანის მიერ მხარდაჭერილმა დაჯგუფება „ჰუსიტებმა“ ბაბ-ელ-მანდების სრუტესთან მდებარე საპორტო ქალაქი დუბაბი დაიკავეს.
ამასთან, 8 სექტემბერს იემენელმა „ჰუსიტებმა“ საუდის არაბეთზე იერიში მიიტანეს, რის შედეგადაც 73 ადამიანი დაშავდა. ამის შემდეგ საერთაშორისოდ აღიარებულმა იემენის მთავრობამ, მოკავშირეებთან ერთად, დაჯგუფება „ჰუსიტების“ წინააღმდეგ იერიში მიიტანა.
ცნობისთვის, „ჰუსიტები“ იემენური დაჯგუფებაა, რომელიც ქვეყნის ჩრდილო-დასავლეთ ნაწილს აკონტროლებს. „ჰუსიტები“ თავს „ანსარ ალაჰს“ უწოდებენ და ირანთან მჭიდრო კავშირები აქვთ. დაჯგუფება ბოლო წლებში სტრატეგიულ ბაბ-ელ-მანდების სრუტეში მცურავ გემებს ხშირად ესხმის თავს.