“ახმეტაში, ბანკომატებთან ხალხის რიგი მდგარა, რომ დედასთვის გირაოს თანხა ჩარიცხონ. ვეძებ სიტყვებს მადლიერებისთვის, მაგრამ ვერ ვპოულობ, რადგან არ არსებობს. Maia Kokhtashvili, რა გაეცი ასეთი,” – წერს ექიმ მაია კოხტაშვილის შვილი, ანა იმედაშვილი სოციალურ ქსელში.
გუშინ, გავრცელდა ინფორმაცია, რომ კახეთში ყალბი რეცეპტის გაცემის ბრალდებით ერთი ექიმი დააკავეს. მოგვიანებით, ჟურნალისტმა გელა მთივლიშვილმა სოციალურ ქსელში დაწერა, რომ ნევროპათოლოგ მაია კოხტაშვილს აგენტ-პროვოკატორი მიუგზავნეს, რომელმაც მას დახმარებისთვის მიმართა და უთხრა, რომ ლოგინად ჩავარდნილი დედის ძლიერი ტკივილების გამო მისი კლინიკაში მიყვანა არ შეეძლო.
კოხტაშვილს, დღეს სასამართლომ 50 000-ლარიანი გირაო შეფარდა. კოხტაშვილს სოლიდარობა მოქალაქეებმა გამოუცხადეს და 50 000 ლარი შეუგროვეს.