იტალიამ და ესპანეთმა ევროკავშირის შენგენის ზონით გათვალისწინებული საზღვრებზე თავისუფალი გადაადგილების რეჟიმის მოქმედება ერთმანეთთან მიმართებით კიდევ 15 დღით შეაჩერეს. ინფორმაციას Reuters-ი ავრცელებს.
იტალიის შინაგან საქმეთა სამინისტროს განცხადებით, გადაწყვეტილება იმის გამო მიიღეს, რომ „შიდა უსაფრთხოებისთვის მნიშვნელოვანი რისკები კვლავ არსებობს და ასევე პოტენციური საფრთხეა შესაძლო ტერორისტული ინფილტრაციის კუთხით“.
ესპანეთის შინაგან საქმეთა სამინისტრომ განცხადებაში აღნიშნა, რომ საზღვარზე კონტროლის დაწესების საფუძვლად არსებული გარემოებები კვლავ ძალაშია. შესაბამისად, მადრიდმა იტალიასთან საზღვარზე კონტროლის შენარჩუნება 8 ოქტომბრამდე გადაწყვიტა.
იტალიამ ესპანეთთან შენგენის შეთანხმებით გათვალისწინებული რეჟიმი პირველად 31 ივლისს შეაჩერა. გადაწყვეტილება მაროკოდან ესპანეთის ანკლავ სეუტაში მიგრანტების მასობრივი შემოდინების შემდეგ მიიღეს.