“სიამაყით ვაცხადებ რომ დაუყოვნებლივ ვუკრძალავ თეთრ სახლში შესვლას ყალბი ამბების გამავრცელებელ CNN-ს, MSNOW-ს და Politico-ს”

აშშ-ის პრეზიდენტმა, დონალდ ტრამპმა CNN-ს, MSNOW-სა და Politico-ს თეთრ სახლში შესვლა დაუყოვნებლივ აუკრძალა.

პრეზიდენტის განცხადებით, გადაწყვეტილების მიზეზი აღნიშნული მედიასაშუალებების მხრიდან მუდმივად “ყალბი ამბებისა და სიცრუის” გავრცელებაა:

“სიამაყით ვაცხადებ, რომ დაუყოვნებლივ ვუკრძალავ თეთრ სახლში შესვლას “ყალბი ამბების” გამავრცელებელ CNN-ს, MSNOW-ს (რომელმაც ცოტა ხნის წინ სახელი შეიცვალა MSNBC-დან დაბალი რეიტინგისა და სანდოობის გამო!) და Politico-ს (რომელმაც აშშ-ის მთავრობისგან – “თაღლითი” ჯო ბაიდენის პირობებში მიიღო უკანონო და აბსურდული, 8-მილიონიანი კონტრაქტი გამოწერაზე; ეს აბსოლუტური რეკორდია და მიზნად მათ “გადარჩენას” ისახავდა –  ჩემთვის ეს კორუფციას ჰგავს!).

ამის მიზეზი მათ მიერ მუდმივად “ყალბ ამბების”  “გაშუქებაა“! მედიასაშუალებებს არ უნდა ჰქონდეთ უფლება, მუდმივად წერონ ან ავრცელონ გამოგონილი ამბები და სიცრუე, როდესაც აშუქებენ აშშ-ის პრეზიდენტს, ტრამპის ადმინისტრაციას ან ამერიკის შეერთებულ შტატებს. სიაში “ყალბი ამბების” გამავრცელებელი სხვა მედიასაშუალებებიც მოხვდებიან. გმადლობთ ყურადღებისთვის!”– წერს დონალდ ტრამპი.