ერთა ლიგაზე საქართველოს ნაკრებთან მატჩის შემდეგ გამართულ პრესკონფერენციაზე უკრაინის ნაკრების მწვრთნელმა ანდრეა მალდერამ ისაუბრა:
“დღეს კიევზე სასტიკი სარაკეტო დარტყმა განხორციელდა. უკრაინელ ხალხს თანადგომასა და მხარდაჭერას ვუცხადებ. ჩემ გუნდს ძირითადადსა და სათადარიგოს არ ვარქმევ. საკუთარი უნარების გამოვლენის საშუალება ყველას მიეცა და ყველათი კმაყოფილი ვარ. პირველი ტაიმის შემდეგ დაღლილი მოთამაშეები შევცვალე და უფრო შემტევები გამოვიყვანე. სასიამოვნო დილემაა, როცა ორი ამ დონის მეკარე გყავს და არჩევანის გაკეთება გიწევს.
ბევრი საგოლე შანსი არ გვქონდა. მთავარი იყო, ტაქტიკური შეცდომები არ დაგვეშვა. საჯარიმოსთან მიახლოებისას დაბრკოლება გვექმნებოდა. ტაქტიკური და ემოციური თვალსაზრისით რთული მატჩი გამოდგა. შესაძლო გაფრთხილებებზე ყურადღება არ გამიმახვილებია, ბიჭები ბოლომდე იბრძოდნენ.
ასეთ დაბალანსებულ და ძლიერ საქართველოს ნაკრებს ველოდი!.. რთული იყო ახალ მწვრთნელს ორ დღეში რამე შეეცვალა. მთავარი იყო, საქართველოს ნაკრებს სულისკვეთება არ აკლდა.
იმის გათვალისწინებით, რაც უკრაინაში ხდება, ფეხბურთზე ფიქრი რთულია. ფეხბურთელები ყოველდღე ურეკავენ ოჯახის წევრებს და ეკითხებიან, თუ რამდენად მშვიდი ღამე ჰქონდათ. ამის მიუხედავად, ბიჭები მაქსიმალურს ცდილობენ და მათი ძალიან კმაყოფილი ვარ, ყოჩაღები არიან!”