ჩეხეთის პარლამენტში პრემიერ-მინისტრის, ანდრეი ბაბიშის მთავრობისთვის უნდობლობის გამოცხადების საკითხი ჩავარდა. მთავრობის გადაყენებისთვის 200-წევრიან პარლამენტში, სულ მცირე, 101 ხმა იყო საჭირო. ინიციატივას მხარი 83-მა ოპოზიციონერმა დეპუტატმა დაუჭირა, 94-მა დეპუტატმა კი წინააღმდეგ მისცა ხმა. ცხრა ოპოზიციონერი და მთავრობის ბლოკის 14 დეპუტატი სხდომას არ ესწრებოდა.
უნდობლობის საკითხზე დებატები დაახლოებით 28 საათი გაგრძელდა. ოპოზიციამ ინიციატივის მიზეზებად მომავალი წლის სახელმწიფო ბიუჯეტის პროექტში არსებული დეფიციტი, პრემიერ-მინისტრ ანდრეი ბაბიშის ინტერესთა კონფლიქტის საკითხი და მთავრობის მხრიდან სხვადასხვა სახელმწიფო ინსტიტუტის მიმართ განხორციელებული თავდასხმები დაასახელა. ოპოზიციის განცხადებით, მთავრობის პოლიტიკა საფრთხეს უქმნის ქვეყნის ეროვნულ უსაფრთხოებას.
ცნობისთვის, ეს იყო ანდრეი ბაბიშის მთავრობისთვის უნდობლობის გამოცხადების მეორე მცდელობა. პირველად ჩეხეთის პრემიერ-მინისტრის, ანდრეი ბაბიშის მთავრობა უნდობლობის გამოცხადებას 2026 წლის თებერვალში გადაურჩა.