ამერიკელი ბიზნესმენის ილონ მასკის ქონება დაახლოებით 28,6 მილიარდი დოლარით შემცირდა მას შემდეგ, რაც SpaceX-ის აქციების ფასი 3%-ზე მეტით დაეცა. შედეგად მან ტრილიონერის სტატუსი დაკარგა, იუწყება Forbes-ი.
მასკი მსოფლიოს პირველი ტრილიონერი ივნისში გახდა, მას შემდეგ, რაც მისმა კომპანია SpaceX-მა აქციების პირველადი საჯარო შეთავაზება (IPO) განახორციელა. თუმცა, მომდევნო დღეებში კომპანიის აქციების ფასის მკვეთრი ვარდნის გამო მან ეს სტატუსი დაკარგა.
ბოლო რამდენიმე თვის განმავლობაში მასკის ქონების ღირებულება ერთი ტრილიონი დოლარის ნიშნულთან მერყეობდა. ტრილიონერის სტატუსი მან ბოლოს ოთხი დღის წინ დაიბრუნა, როდესაც გასული კვირის ბოლოს Tesla-სა და SpaceX-ის აქციების ფასები მკვეთრად გაიზარდა.
მასკის ქონების მნიშვნელოვანი ნაწილი სწორედ ამ კომპანიებში მის წილებზე მოდის. ის ორივე კომპანიის აღმასრულებელი დირექტორია. აგვისტოში მარეგულირებელი ორგანოებისთვის წარდგენილი დოკუმენტების თანახმად, მასკი SpaceX-ის აქციების დაახლოებით 48,4%-ს ფლობს, Tesla-ში კი მისი წილი დაახლოებით 11%-ია.