აშშ-ის პრეზიდენტი დონალდ ტრამპი აცხადებს, რომ ბრაზილიელ სენატორს, ფლავიო ბოლსონარუს „ძალიან უსამართლოდ მოიქცნენ“.
ჟურნალისტმა დონალდ ტრამპს ჰკითხა, ეთანხმება თუ არა, რომ ბოლსონარუ ბრაზილიის კანონიერი პრეზიდენტია.
„კომენტარს ამ თემაზე არ გავაკეთებ, მაგრამ ვიცი, რომ ქვეყანაში შემოსვლის უფლება ჩვენ მივეცით. ჩარევას არ ვაპირებ. ეს ძალიან უცნაური არჩევნები იყო, ეს ცხადია. არჩევნებში პოზიცია არ დამიფიქსირებია, როგორც იცით, მაგრამ როცა რაღაც შეუსაბამოს ვხედავ, ამას ვამბობ. მე მგონია, რომ მას და მის ოჯახს ძალიან უსამართლოდ მოექცნენ“, – უპასუხა აშშ-ის პრეზიდენტმა.
დონალდ ტრამპის თქმით, მას ბოლსონარუსთან არ უსაუბრია. ბოლსონარუ 25 ოქტომბერს გამართულ საპრეზიდენტო არჩევნებში დამარცხდა, ბრაზილია დატოვა და მაიამიში გაემგზავრა. მას და მისი ოჯახის წევრებს აშშ-ის ვიზები გადაეცათ. ბოლსონარუ ამტკიცებს, რომ არჩევნებში თაღლითობა დაფიქსირდა. საერთაშორისო დამკვირვებლების შეფასებით, კენჭისყრა სამართლიანად ჩატარდა.