აშშ-ის ყოფილმა პრეზიდენტმა, ბარაკ ობამამ დონალდ ტრამპის ადმინისტრაცია რუსეთის წინაშე „მუხლის მოდრეკაში“ დაადანაშაულა.
„ვიდრე კანადის მსგავს მოკავშირეებს ვიშორებთ, თეთრი სახლი პუტინის წინაშე მუხლს იდრეკს და ყიდის უკრაინელებს, რომლებიც თავისუფლებისა და დემოკრატიისთვის იბრძვიან“, – აღნიშნა ობამამ.
ამასთან, ბარაკ ობამას განცხადებით, ომი თავად ტრამპის ადმინისტრაციამ აირჩია და ტარიფებიც თავიანთი არჩევანით დააწესეს. ობამას განმარტებით, სწორედ ამიტომ იზრდება ფასები და ძვირდება ბენზინი.
აშშ-ის ყოფილმა პრეზიდენტმა ტრამპი ირანზე თავდასხმის გამო გააკრიტიკა. მისი თქმით, ირანს ბირთვული იარაღი არ ჰქონდა, ბირთვული პროგრამა კი შეზღუდული იყო.
„მე შევქმენი შეთანხმება, რომელიც ირანს ბირთვული იარაღის შექმნას უზღუდავდა. რაკეტების გაშვება არ დამჭირვებია, დიპლომატიას მივმართე“, – განაცხადა ობამამ.