დიდ ბრიტანეთში აკრძალული ორგანიზაციის, „პალესტინის მოქმედების“ მხარდასაჭერად საპროტესტო აქცია გაიმართა, რა დროსაც 130-ზე მეტი ადამიანი დააკავეს.
მედიის ცნობით, დემონსტრაცია აშშ-ის საელჩოსთან გაიმართა. მათივე ინფორმაციით, მომიტინგეთა უმეტესობა პენსიონერი იყო და ხელში პლაკატები ეჭირათ წარწერით: „მე გენოციდის წინააღმდეგი ვარ, მხარს ვუჭერ „პალესტინის მოქმედებას““.
დემონსტრანტებმა ასევე გამართეს „პალესტინის მოქმედების“ მხარდასაჭერად მიტინგი ედინბურგში, აშშ-ის საკონსულოსთან.
„პალესტინის მოქმედება“ 2020 წელს დაარსდა და მიზნად ისახავს დიდი ბრიტანეთის მიერ ისრაელის სამხედრო მხარდაჭერის შეჩერებას. დიდ ბრიტანეთში ორგანიზაცია 2025 წლის ივლისში აიკრძალა. აკრძალვის თანახმად, „პალესტინის მოქმედების“ წევრობა ან მხარდაჭერა დანაშაულად ითვლება, რაც 14 წლამდე თავისუფლების აღკვეთით ისჯება. 4 ნოემბერს უზენაეს სასამართლოში „პალესტინის მოქმედების“ ტერორისტულ ჯგუფად გამოცხადების სააპელაციო საჩივრის განხილვა უნდა გაიმართოს.